PM Kusum Solar Pump Yojana : शेतकरी बांधवांसाठी केंद्र आणि राज्य सरकारने सुरू केलेली पीएम कुसुम सोलर पंप योजना ही अत्यंत महत्त्वाची योजना आहे. या योजनेमुळे शेतकऱ्यांना वीजेअभावी होणाऱ्या सिंचनाच्या अडचणींवर उपाय मिळतो. सौरऊर्जेवर चालणारे पंप बसवून शेतकरी कोणत्याही वेळी पिकांना पाणी देऊ शकतात आणि अतिरिक्त वीज सरकारकडे विकून अतिरिक्त उत्पन्नही मिळवू शकतात.
कुसुम सोलर पंप योजना म्हणजे काय?
गावोगावी अजूनही वीज उपलब्ध नसल्यामुळे शेतकऱ्यांना शेती करणे कठीण जाते. या समस्येवर उपाय म्हणून केंद्र सरकारने कुसुम सोलर पंप योजना सुरू केली आहे. योजनेअंतर्गत शेतकऱ्यांना कमी खर्चात सौरऊर्जेवर चालणारे पंप मिळतात. त्यामुळे वीज नसतानाही शेतीसाठी सिंचन करणे सोपे होते.
या योजनेअंतर्गत विद्यार्थ्यांना वार्षिक ₹ 60,000 मिळणार , असा करा अर्ज
योजनेचे फायदे :-
1) शेतकऱ्यांना फक्त 10% खर्च करावा लागतो, उर्वरित रक्कम सरकार व बँक उचलतात.
2) देशभरात 10 लाखांपेक्षा जास्त सोलर पंप बसवले जाणार आहेत.
3) शेतकऱ्यांना 24 तास मोफत सौरऊर्जा उपलब्ध होईल.
4) पंप बसविल्यानंतर अतिरिक्त वीज सरकारकडे विकता येईल.
5) कमी पावसाच्या व वीजटंचाई असलेल्या भागातील शेतकऱ्यांना मोठा दिलासा मिळणार आहे.
सरकारचा मोठा निर्णय : आता घरबसल्या मिळवा मोफत ई-रेशन कार्ड
पात्रता आणि आवश्यक कागदपत्रे :-
ही योजना घेण्यासाठी अर्जदार भारतीय शेतकरी असणे गरजेचे आहे. वैयक्तिक शेतकरी, शेतकरी गट, सहकारी संस्था, पंचायत किंवा शेतकरी उत्पादन संघटना अर्ज करू शकतात. अर्जासाठी आवश्यक कागदपत्रांमध्ये आधार कार्ड, बँक पासबुक, जातीचा दाखला, सातबारा उतारा आणि पासपोर्ट आकाराचे फोटो आवश्यक आहेत.
अर्ज प्रक्रिया :-
या योजनेसाठी अर्ज ऑनलाईन करता येतो. शेतकऱ्यांनी अधिकृत संकेतस्थळ https://pmkusum.mnre.gov.in येथे जाऊन अर्ज भरावा लागतो. अर्ज करताना अचूक माहिती व आवश्यक कागदपत्रे अपलोड करावी लागतात.
अनुदान व अर्ज फी :-
या योजनेत सरकार शेतकऱ्यांना 60% अनुदान देते, 30% रक्कम बँक कर्ज स्वरूपात मिळते आणि शेतकऱ्याला फक्त 10% पैसे द्यावे लागतात. अर्ज फी मेगावॅटनुसार ठरवली जाते, जी साधारण ₹2500 ते ₹10,000 + GST इतकी आहे.
पीएम कुसुम सोलर पंप योजना महाराष्ट्रातील शेतकऱ्यांसाठी वरदान ठरत आहे. या योजनेमुळे वीजेची टंचाई दूर होऊन शेतकऱ्यांना स्वस्त आणि शाश्वत ऊर्जेचा लाभ मिळत आहे. भविष्यातील शेती अधिक सक्षम आणि उत्पादनक्षम करण्यासाठी ही योजना उपयुक्त ठरणार आहे.